Litterær jazzklubb med Edvard Hoem og John Pål Inderberg Trio –
Det blir slåttekarar og prærieliv når Edvard Hoem les utvalde stykke frå utvandrarbøkene Slåttekar i himmelen, Bror din på prærien og Land ingen har sett.

John Pål Inderberg Trio spillar slåttar og polsar inspirert av Oline Sofie Bakkom og amerikanske jazzlåtar som har utvandra frå prærien til Trøndelag. My Melancholy Baby og Brother Can You Spear a Dime tar oss tilbake til jernbanebygging og kjærleiksliv på den store prærien, samstundes les Edvard Hoem om prærieliv frå same tid.

Edvard Hoem (f. 1949) debuterte i 1969 og har sidan vore svært produktiv som romanforfattar, dramatikar, salmediktar og Shakespeare-gjendiktar. For Kjærleikens ferjereiser (1974), Prøvetid (1984), Ave Eva (1987) og Mors og fars historie (2005) vart han innstilt til Nordisk Råds litteraturpris. For Mors og fars historie mottok han Melsomprisen og Petter Dass-prisen, og han vart òg innstilt til Kritikerprisen. I 2007 gav han ut den kritikerroste Faderen. Peder Bjørnson forsvarer seg. Frå 2009-2013 gav Hoem ut biografien om Bjørnstjerne Bjørnson i fire band: Villskapens år. Bjørnstjerne Bjørnson 1832–1875 (2009), Vennskap i storm. Bjørnstjerne Bjørnson 1875–1889 (2010), Syng mig hjæm. Bjørnstjerne Bjørnson 1890–1899 (2011) og Det evige forår. Bjørnstjerne Bjørnson 1899–1910 (2013). Edvard Hoems bøker er selde til ni land. I 2011 vart Hoem tildelt statsstipend. I 2013 fekk Edvard Hoem Språkprisen 2013. I 2014 gav Hoem ut sin første roman på ni år, Slåttekar i himmelen. Hoem vart langlista til P2-lyttaranes romanpris for denne boka.

Foto: Paal Audestad

John Pål Inderberg Trio
John Pål Inderberg, (f. 1950) har for lengst satt sine klåre spor i den norske jazzen. Med sans for eit musikalsk spontant uttrykk har han turnert ei årrekkje og gleda publikum med leken musikalitet og mykje humor. Med ein fot i Nidelven og ein fot i cooljazzen har Inderberg reindyrka ei sterk stemme som kombinerar det norske og det amerikanske på måtar vi ikkje har hørt før. I trio med Håkon Mjåset Johansen og Trygve Waldemar Fiske spelar dei gamle låtar, nokon gongar med nye linjer, andre gongar med gamle vers, og ofte med alt i eit drag. Den norske folkemusikken får også ei sentral plass i denne trioen og dei skriver musikk med inspirasjon frå begge sider av Atlanteren. John Pål Inderberg Trio oser av speleglede og formidlar akustisk samspel på høgste nivå.

Håkon Mjåset Johansen, (f. 1975), er medverkande på over 70 innspelingar og er en sentral musikalsk kraft i prosjekter som Come Shine, Motif, Urban Connection og IPA. Han har turnert med Chick Corea, Jan Garbarek og Michael Brecker, for å nemne noen , og han har vært en sentral musikar i norsk jazz sida tidlig 2000. Med kreative solistiske krumspring forankra i et særdeles swingande beat har Håkon fasinert og gleda publikum frå Svalbard i nord til Cape Town i sør.
Trygve Waldemar Fiske, (f.1987), har markert seg som ein av sin generasjons dyktigaste bassistar og turnerar jamt med Hanna Paulsberg Concept, Waldemar 4, Ine Hoem og John Pål Inderberg Trio. I 2014 mottok han Shellstipendet av Molde Internasjonale Jazzfestival og danna bandet Waldemar 4 som høysta strålande kritikkar i norsk presse for si debutplate hausten 2015.