Radarparet til Kari Stai fyller 10 år og feirer med ei splitter ny bok!

Den femte boka om Jakob og Neikob er ei underfundig forteljing om å vere seg sjølv og setje pris på at me alle er ulike. Me følgjer radarparet i jakta etter Alle andre.

– Neikob, er du lei deg?
– NEI, eg er lei MEG, svarer Neikob. – Eg vil bli som Alle Andre.
– Veit du kven Alle Andre er, da? spør Jakob.
– NEI. Blir du med og finn han?
– JA, svarer Jakob.

Jakob og Neikob leitar etter Alle Andre på bussen, i havet og i verdsrommet. Til slutt finn dei han på planeten Uno. Der er det også ei klonemaskin. Kanskje Neikob faktisk kan bli heilt lik Alle Andre?

Litteraturhuset i Trondheim er stolte over å ønskje velkomen til arrangement med Kari Stai og hennar nye bok. Forfattaren les frå den ferske boka og etterpå vil det bli mogleg å kjøpe boka. Kanskje kan du òg få Kari Stai til å skrive i ho?

Arrangementet er gratis, men for å sikre seg plass må ein ta ut gratis billett via Hoopla.