Kan ein verdsmeister i sjakk bli ein framifrå sentralbanksjef? Magnus Carlsen er fremst blant likemenn når det gjeld strategisk og taktisk tenking – og evne til å ta risiko – ved sjakkbrettet. Kva slags overføringsverdi til bank, finans og økonomisk politikk meir generelt har meisterleg dugleik i sjakk?

Dessutan: Bør ikkje sjakk ideelt sett spelast med Lewis-brikker? Dei brikkene vart funne på Hebridane tidleg på 1830-talet, er utstilte hos British Museum i London og går for å vera dei mest estetiske sjakkbrikkene verda har sett. Dei vart etter alle solemerke laga i Trondheim i det 12. hundreåret; eit noko nær historisk faktum som fortener meir merksemd …

Kom, sjå og høyr ein samtale om sjakk, finans, økonomisk politikk og skir estetikk. Med i samtalen er:

Jan-Frode Janson (konsernsjef i SpareBank 1 SMN)
Atle Grønn (internasjonal meister i sjakk, NRK-ekspert og professor i russisk ved UiO)
Margrethe C. Stang (fyrsteamanuensis ved Institutt for kunst- og medievitskap, NTNU)
Morten Søberg (direktør for samfunnskontakt, SpareBank 1)

Ordstyrar for samtalen er Morten Søberg.

Inngang: 50,-